महालक्ष्मी विकास बैंक लि. द्वारा माउन्ट केटू आरोहण समूह सम्मानित


महालक्ष्मी विकास बैंक लिमिटेडले पाकिस्तानमा अबस्थित विश्वको दोस्रो अग्लो हिमाल माउण्ट केटू “ज्यानमारा हिमाल” भनेर चिनिने (८,६११ मिटर)को हिँउदयाममा सफलतापूर्वक आरोहण गरी विश्व कीर्तिमान बनाउन सफल आरोही समूहलाई स्वागत तथा अभिनन्दन कार्यक्रम सम्पन्न गरेको छ ।
शुक्रबार बैंकको प्रधानकार्यलयमा आयोजित अभिनन्दन कार्यक्रममा हिमाल केटूको चुचुरोमा नेपालको झण्डा फर्फराएर नेपालको नाम विश्वसामु परिचित गराउन आरोही समूहले पु-याएको योगदानको कदर स्वरुप बैंकका सञ्चालक समितिका अध्यक्ष राजेश उपाध्यायले माउन्ट केटू आरोहण समूहलाई रु.पाँच लाख नगद पुरस्कार तथा सम्मान–पत्रप्रदान गर्नुभयो ।
कार्यक्रममा आरोही निर्मल पुर्जाले बैंकले प्रदान गरेको यस सम्मानले साहासिक कार्यको लागि थप हौसला मिलेको बताउनुभयो । उक्त कार्यक्रममा माउन्ट केटू आरोहण समूहका सदस्यहरु,बैंकका सञ्चालक समितिका अध्यक्ष तथा सदस्यहरु र कर्मचारीहरुको उपस्थिति रहेको थियो ।


प्रकाशित : २०७७ माघ १७, शनिबार १४:२३ गते

धेरै पढिएको

ताजा समाचार